الشاعر عادل مكاوي/ رثاء المجاهد الفريق أحمد قايد صالح

الفريق-أحمد-قايد-صالح-قائد-أركان-الجيش-الجزائري

مِن بكْرِي فِي جَانْـبرْ لَبْـطَالْ تـمُـوتْ
قَـبْـل الڨـايد مَــاتْ فِـيـهْ الهَـــوَارِي
يَامن رَبِـي سَخْركْ ضــد الطـَاغُـوتْ
دَمْ الشُـهَـدَاء. مــَع نَـبْضَـكْ سَـــارِي
مِنْ مَوْتكْ وَلَيتْ ذَالسَـاعَـة مَبْهُـوتْ
جلْدِي كَوًَشْ عَادْلِي شُقْــل يــبَــارِي
بَعْدك صَامطْ يَا الڨَايدْ حَـتى القَوْتْ
ويْــنَــاهْ لِـي كَـــانْ بـفْـرَاڨــكْ دَارِي
رَمْز.مِـن الجِـهَـادْ يتْبَـاقَى مَنْـعُــوتْ
والأُسُـــودْ تخَـلْـفْ الشـِبـْل الـظـَّارِي
صُـورَة مِـنكْ ظَهْرتْ ڨَاعْ المَكْــبُوتْ
وَاهْ الدَمْع يـسِيحْ عـالـخَـدْ وجَــارِي
ياصَالحْ مَانَاشْ بَعْدك.ضَرْك.سْكُـوتْ
كُنـت عْلِينَــا كِي الــبَرْنُوسْ تـْـذَارِي
إسـْمكْ وسْط ڨْلُوبْنَا بَاقِي مـَـنْحُوتْ
ڨَع الـشَـعْب بكَى مْشَـــايخْ وذْرَارِي
عَيـنْ لاَ تبْكِــيكْ حَـرْ كِــيَة بثْـبُوتْ
وڨَلْـب.لاَ يتْـــهَـزْ. جــدُو مـنْ Bari
نَادَيْنَا.باسْم الوطَنْ صَوتْ ورَاصَوتْ
وحْنَــا لـِسَـعْ جُــرْحْنَا مَـا هـُـو بَـارِي
مَوتكْ عِـبْرَة يَالڨَـايدْ مـَاهِـي مَـوتْ
كُنتْ تجَـاهـدْ عَاليـة بِيـكْ اسْـوارِي
وَاهْ لْــيَالِي جَانْــبر عَادُو .كُِـي أُوتْ
قَبَـيْــنَــا وتــــرَابْــنَــا لـسَــعْ ثَــارِي

 31 المشاهدات,  1 شوهد اليوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *